कमेडी च्याम्पियन सिजन-३ का विजेता बने सुनिल खड्का
काठमाडौं, असार १५ । कमेडी च्याम्पियन सिजन-३ को उपाधि काठमाडौंका सुनिल खड्काले जितेका छन् । उपाधि पाएसँगै सुनिलले नगद २५ लाख रूपैयाँ पाएका छन् ।
शनिबार भएको कमेडी च्याम्पियन सिजन-३ को ग्रान्ड फिनालेमा उनी विजेता भएका हुन् । यस्तै, ऋषभ काफ्ले फर्स्ट रनरअप बनेका छन् भने सुयशा खनाल सेकेन्ड रनरअप बनेकी छन् ।
काठमाडौंका २६ वर्षीय सुनिल खड्का, नवलपरासीकी १२ वर्षीय सुयशा खनाल र सुनसरीका २९ वर्षीय ऋषभ काफ्ले टप तीनमा पुगेका थिए।
विशाल भण्डारीले निर्देशन गरेको यो सोको निर्णायकका रूपमा सन्तोष पन्त, मनोज गजुरेल, प्रदीप भट्टराई र ऋचा शर्मा रहेका छन् भने रिमा विश्वकर्मा र मेक्सन गौडेलले सोको होस्ट गरेका थिए ।
प्रकाशित मिति: शनिबार, असार १५, २०८१ २२:०५
प्रतिक्रिया दिनुहोस्
साताको लोकप्रीय
