वार्सा, १८ असार | पोल्यान्डका प्रधानमन्त्री डोनाल्ड टस्कले मङ्गलबार जर्मनीले युरोपेली सुरक्षाको नेता बन्नुपर्ने बताउनुभएको छ । यो प्राय अत्यधिक तनावपूर्ण सम्बन्धमा दुई मुलुकबीच सुमधुर सम्बन्धको सङ्केत हो । 

    युरोपेली सङ्घ (इयु) का पूर्वप्रमुख टस्क गत वर्ष पोल्यान्डमा लोकप्रिय कानून र अन्य पार्टीको नेतृत्वमा रहेको सरकारलाई प्रतिस्थापन गर्दै सत्तामा आउनुभएको थियो । उहाँको विशेषता भनेको जर्मनीविरुद्ध बयानबाजी गर्नु थियो । 

    “पोल्यान्डसहित युरोपको साझा सुरक्षाका लागि जर्मनी नेता हुनेछैन भन्ने म कल्पना गर्न सक्दिनँ”, टस्कले जर्मन चान्सलर ओलाफ सोल्ससँगको पत्रकार सम्मेलनमा भन्नुभयो । बैठकमा पोल्याण्ड र जर्मन सरकारबीच छ वर्षमा पहिलो वार्ता भएको थियो 

    “संयुक्त र प्रभावकारीरूपमा युरोप सुरक्षित छ भनेर सुनिश्चित गर्नुपर्छ । यसको ठ्याक्कै मतलब यो हो कि हामी (पोल्यान्ड र जर्मनी) नाटोको ढाँचाभित्र र इयुको पूर्वी भागको संरक्षणमा बाल्टिक क्षेत्रमा अग्रणी भूमिका लिन चाहन्छौँ”, उहाँले भन्नुभयो ।

    दुई नेताले रक्षा सहयोगका साथै बेलारुससँगको पोल्यान्डको पूर्वी सिमानामा समस्या बनेको अवैध आप्रवासीलाई रोक्ने विषयमा छलफल गर्नुभएको छ ।