काठमाडौं, असार २१ । राष्ट्रिय स्वतन्त्र पार्टी (रास्वपा) ले निलम्बित महासचिव डा मुकुल ढकालको नाम र तस्बिर पार्टीको वेबसाइटबाट हटाएको छ ।

ढकाललाई बैठकमा अमर्यादित र अनुशासनहीन काम व्यवहार गरेको भन्दै कारबाहीका लागि सात दिनसम्म निलम्बित गर्ने निर्णय बिहीबार गरेको थियो । निलम्बनपछि उनको विवरण पनि वेबसाइटबाट हटाइएको छ ।

डा ढकालको समीक्षा यात्राको प्रतिवेदनबारे बुधबार बिहानदेखि राति १२ बजेसम्म छलफल भएको थियो । बैठकमा उनले  बैठकको प्रत्यक्ष प्रशारण गर्न र प्रतिवेदन सार्वजनिक नगरेको जनाउँदै मुखमा माक्समाथि कालो टेप लगाएर आपत्ति जनाएका थियो ।