काठमाडौं, असार ३१ । स्वास्थ तथा जनसंख्या मन्त्रालयका अनुसार पछिल्लो २४ घण्टामा नेपालमा थप दुुई हजार छ सय ७६ जनामा कोरोना भाइरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १२ हजार सात सय ६८ जनाको परीक्षण गर्दा पीसीआर विधिबाट एक हजार सात सय ८२ र एन्टिजेन विधिबाट आठ सय ९४ जनामा कोरोनाको संक्रमण पुष्टि भएको हो ।
मन्त्रालयका अनुसार पछिल्लो २४ घण्टाको अवधिमा थप एक हजार सात सय ५७ जना संक्रमणमुक्त भएकाछन भने थप ३३ जनाको मृत्यु भएको छ । यसैगरी पछिल्लो २४ घण्टामा काठमाडौं उपत्यकामा भने थप पाँच सय ५३ जनामा कोभिड १९ को संक्रमण पुष्टि भएको छ । सो मध्ये काठमाडौं जिल्लामा तीन सय ३९, ललितपुर जिल्लामा एक सय ३४ र भक्तपुर जिल्लामा ८० जनामा संक्रमण पुष्टि भएको हो । मन्त्रालयका अनुसार यो समेत गरी उपत्यकामा सक्रिय संक्रमितको कुल संख्या सात हजार छ सय ९३ पुगेको छ ।
