काठमाडौँ, साउन १ । स्वास्थ तथा जनसंख्या मन्त्रालयका अनुसार पछिल्लो २४ घण्टामा नेपालमा थप दुुई हजार नौ सय ३६ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १४ हजार एक सय ८२ वटा नमुनाको परीक्षण गर्दा उक्त संख्यामा संक्रमितहरु भेटिएका हुुन् । पछिल्लो २४ घण्टामा एक हजार सात सय ७५ जना संक्रमणमुक्त भएको मन्त्रालयले जनाएको छ ।
यसैगरी पछिल्लो २४ घण्टामा ४३ जनाको मृत्यु भएको छ । यो सँगै नेपालमा कोभिड संक्रमणका कारण मृत्यु हुनेको संख्या नौ हजार पाँच सय छ जना पुगेकोे छ । मन्त्रालयका अनुसार पछिल्लो २४ घण्टामा काठमाडौं उपत्यकामा भने पाँच सय ४१ जना संक्रमित थपिएकाछन् । जसअनुसार काठमाडौ जिल्लामा तीन सय ४३, ललितपुर जिल्लामा एक सय ३६ र भक्तपुर जिल्लामा ६२ जना संक्रमित भेटिएकाछन् । यो सँगै काठमाडौं उपत्यकामा सक्रिय संक्रमितको संख्या सात हजार छ सय १९ पुगेको छ ।
