भक्तपुर, साउन २२ । लगातारको वर्षापछि खसेको पहिरोले भक्तपुर–नगरकोट सडक अवरुद्ध भएको छ ।

चाँगुनारायण नगरपालिका प्रमुख जीवन खत्रीले आज दिउँसो चाँगुनारायण–६ मुहान पोखरी नजिक पहिरो जाँदा सडकमा अवरुद्ध भएको जानकारी दिनुभयो ।

उहाँले सुरक्षा निकायसँगको समन्वयमा सडक खुलाउने प्रयास गरिरहेको बताउनुभयो । भक्तपुरबाट नगरकोट जाने वैकल्पिक सडकसमेत पहिरोको जोखिममा परेपछि नगरकोटबाट भक्तपुर आवतजावत रोकिएको छ । भोलिसम्ममा सडक सञ्चालन गर्नेगरी काम भइरहेको नगरप्रमुख खत्रीले जानकारी दिनुभयो ।
    
यसैगरि चाँगुनारायण मन्दिर जाने सडक पनि पहिराका कारण अवरुद्ध भएको सडक भने आजै खुलाइएको छ ।
---