काठमाडौं, साउन २३ । नुवाकोटको शिवपुरीमा एयर डाइनेस्टीको हेलिकप्टर दुर्घटना हुँदा पाँच जनाको मृत्यु भएको छ । एयर डाइनेस्टीका क्याप्टेन अरुण मल्लसहित ४ विदेशी नागरिकको शव फेला परेको हो ।

बुधबार दिउँसो १ः५४ बजे भक्तपुरको नलिनचोकबाट रसुवाको स्याँफ्रुबेसीका लागि उडेको हेलिकप्टर उडान भरेको तीन मिनेटमै सम्पर्कविहीन भएको थियो ।  मृत्यु हुनेमा क्याप्टेनसहित जुडाड ताङ, जी ली, यियाद वु र जेमिङ सि र एक जना अपरिचित रहेको प्रमुख जिल्ला अधिकारी रामकृष्ण अधिकारीले जानकारी दिनुभयो ।

नुवाकोटका प्रहरी उपरीक्षक शान्तिराज कोइरालाका अनुसार शिवपुरी गाउँपालिका–७ शिवपुरी जङ्गलको सूर्यचौर क्षेत्रमा हेलिकप्टर दुर्घटना भएको हो ।