काठमाडौं, साउन ६ । स्वास्थ तथा जनसंख्या मन्त्रालयका अनुसार नेपालमा पछिल्लो २४ घण्टामा थप दुई हजार आठ सय ३८ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १२ हजार छ सय १६ वटा नमुनाको परीक्षण गर्दा उक्त परिमाणमा संक्रमित भेटिएका हुुन् ।
यसैगरी पछिल्लो २४ घण्टामा देशभर ३० जना कोभिड १९ संक्रमितहरुको मृत्युु भएको छ । यो समेत गरी नेपालमा कोभिड १९ को संक्रमणबाट मृत्युु हुुनेहरुको कुुल संख्या नौं हजार छ सय ३७ पुगेको छ । मन्त्रालयका अनुसार पछिल्लो २४ घण्टामा एक हजार चार सय ७५ जना कोभिड १९ को संक्रमणबाट मुक्त भएकाछन् ।
पछिल्लो २४ घण्टामा काठमाडौं उपत्यकामा भने थप छ सय ९७ जनामा कोभिड १९ को संक्रमण पुष्टि भएको छ । मन्त्रालयका अनुसार उक्त संख्या मध्ये काठमाडौं जिल्लामा चार सय ९०, ललितपुर जिल्लामा एक सय २८ र भक्तपुर जिल्लामा ७९ जना संक्रमितहरु थपिएका हुुन् ।
