कान्तिलोकपथस्थित माझखोला सडकमा बोलेरो गाडी दुर्घटना, चालकको मृत्यु
ललितपुर, कात्तिक ७ । ललितपुरस्थित कान्तिलोकपथको माझखोला सडकमा बोलेरो गाडी दुर्घटना हुँदा एक जनाको मृत्यु भएको छ ।
ललितपुरको बाग्मती गाउँपालिका–३ कान्तिलोकपथको छपेली -बगुवा खण्डमा पर्ने माझखोलास्थित सडकमा बा.२ च ९६६८ नम्बरको कुखुरा बाेकेकाे बोलेरो गाडी अनियन्त्रित भई बुधबार बिहान दुर्घटना हुँदा चालक चितवन घर भएका २८ वर्षीय भरत लामिछानेको घटनास्थलमै मृत्यु भएको छ । सडकबाट खसेको गाडी क्षतविक्षत भएको छ ।
साथै दुर्घटनामा गम्भीर घाइते भएका सहचालकको पाटन स्वास्थ्य विज्ञान प्रतिष्ठानमा उपचार भइरहेको छ ।
प्रकाशित मिति: बुधबार, कात्तिक ७, २०८१ १३:५०
प्रतिक्रिया दिनुहोस्
साताको लोकप्रीय
