दाङ, कात्तिक  १२  । दाङमा यौन दुर्व्यवहार आरोपमा पक्राउ परेका सशस्त्र प्रहरी जवान हिरासतमा मृत फेला परेका छन् ।

सशस्त्र प्रहरी अधिकृत रेवेन पचभैया मगर वडा प्रहरी कार्यालय घोराहीको हिरासतमा सोमबार बिहान शौचालयमा झुण्डिएको अवस्थामा फेला परेका हुन् ।

गत कात्तिक ७ गते भालुवाङकी ८ र अर्की १४ वर्षीया नाबालिकामाथि यौन दुर्व्यवहार गरेको आरोपमा उनी पक्राउ परेका थिए ।

मगरले प्रहरीको सोधपुछमा आरोप स्वीकार गरेको प्रहरीले जनाएको छ । यस बारेमा थप अनुसन्धान भइरहेको छ ।