दाङ, कात्तिक  १२  । दाङको तुलसीपुर उपमहानगरपालिका–८ दुधेनाबाट नियन्त्रित लागूऔषध ट्रामाडोल २ हजार ६ सय ९० ट्याब्लेट सहित सोही उपमहानगरपालिका–८ बस्ने ५३ वर्षीया तिल कुमारी बिश्वकर्मालाई आइतबार दिउँसो प्रहरीले पक्राउ गरेको छ ।

इलाका प्रहरी कार्यालय तुलसीपुरबाट खटिएको प्रहरीले उनलाई ३ सय ५० ट्याब्लेट सहित पक्राउ गरेको थियो । साथै अनुसन्धानको क्रममा उनको घर तलासी गर्दा घरमा लुकाई छिपाई राखेको थप २ हजार ३ सय ४० ट्याब्लेट फेला परेको हो ।