काठमाडौं, कात्तिक २९ ।  झाँक्री प्रकाश भुजेलको गाडीले ठक्कर दिँदा गम्भिर घाइते भएका मोटरसाइकल चालकको मृत्यु भएको छ।

बुधबार दिउँसो काठमाडौंको शंखरापुर नगरपालिका ९ स्थित साँखु–थली सडकमा झाँक्री प्रकाश भुजेलको गाडीले ठक्कर दिँदा घाइते भएका मोटरसाइकल चालक कागेश्वरी मनोहरा नगरपालिका–२ निवासी नारायण नगरकोटीको उपचारको क्रममा ग्राण्डी अस्पतालमा मृत्यु भएको हो ।

सिन्धुपाल्चोक घर भई जोरपाटी बस्ने झाँक्री भुजेलको बा.१९ च २६९५ नम्बरको गाडीले बागमती प्रदेश–०२–०१८ प ६८७५ नम्बरको मोटरसाइकललाई ठक्कर दिँदा मोटरसाइकलमा सवार श्रीमान श्रीमती गम्भीर घाइते भएका थिए ।

दुर्घटनापछि फरार रहेका उनलाई प्रहरीले बुधबार साँझ पक्राउ गरेको हो । मोटरसाइकलमा पछाडि सवार चालककी पत्नी घाइते छिन् । उनको ग्राण्डी अस्पतालमा उपचार भइरहेको छ ।