काठमाडौं, साउन १२ । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा तीन हजार आठ सय ८८ जनामा कोरोना भाईरस (कोभिड-१९) को संक्रमण पुष्टि भएको छ । मन्त्रालयका अनुसार पछिल्लो २४ घण्टामा १७ हजार पाँच सय १८ जनाको कोरोना परिक्षण गर्दा उक्त संख्यामा संक्रमित भेटिएका हुन् । यो समेत गरी नेपालमा सक्रिय संक्रमितको संख्या २८ हजार आठ सय ३६ पुगेको छ ।
यस अवधिमा कोभिड-१९ को संक्रमणबाट थप २० जना संक्रमितहरुको मृत्यु भएको छ । यो समेत गरी नेपालमा कोभिड-१९ को संक्रमणबाट मृत्यु हुनेहरुको कुल संख्या नौ हजार सात सय ५८ पुगेको छ । मन्त्रालयका अनुसार पछिल्लो २४ घण्टामा एक हजार सात सय ७८ जना संक्रमितहरु निको भएकाछन् ।
यसैबिच काठमाडौ उपत्यकामा भने पछिल्लो २४ घण्टामा थप सात सय ७४ जनामा कोभिड-१९ को संक्रमण पुष्टि भएको छ । सो मध्ये काठमाडौ जिल्लामा चार सय ७५ जना, ललितपुरमा एक सय ६७ जना र भक्तपुरमा एक सय ३२ जना संक्रमितहरु थपिएको मन्त्रालयले जानकारी दिएको छ ।
