काठमाडौं, साउन १३ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप तीन हजार आठ सय ४० जनामा कोरोना भाईरस (कोभिड-१९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १० हजार आठ सय ८६ जनाको पीसीआर र चार हजार नौ सय २२ जनाको एन्टिजेन समेत गरी कुल १५ हजार आठ सय आठ जनाको नमुना परिक्षण गर्दा उक्त संख्यामा संक्रमितहरु भेटिएका हुन्।

यसअवधिमा थप ३३ जनाको कोभिड-१९ को संक्रमणबाट मृत्यु भएको मन्त्रालयले जानकारी दिएको छ । यो समेत गरी नेपालमा कोभिड-१९ को संक्रमणबाट मृत्यु हुनेहरुको कुल संख्या नौ हजार सात सय ७१ पुगेको छ । मन्त्रालयका अनुसार पछिल्लो २४ घण्टामा देशभरबाट एक हजार नौ सय ९३ जना संक्रमणमुक्त भएकाछन् ।