काठमाडौं, पुस २ । साइबर अपराधको कसुरमा प्रहरीले शोभा पाठकलाई पक्राउ गरेको छ ।

राजकुमार त्रिपाठीको जाहेरीमा पाठकलाई सोमबार काठमाडौँबाट पक्राउ गरिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक नवराज अधिकारीले जानकारी दिनुभयो ।

उहाँले भन्नुभयो, “त्रिपाठीले उनीविरुद्ध गत मङ्सिर २८ गते जाहेरी दिएको र आज उनलाई पक्राउ गरिएको हो ।” यस विषयमा थप अनुसन्धान भइरहेको प्रवक्ता अधिकारीले बताउनुभयो ।