मानव बेचबिखन विरुद्धकी अभियन्ता सुनिता दनुवारको असामयिक निधन
काठमाडौं, पुस ८ । समाजसेवी सुनिता दनुवारको असामयिक निधन भएको छ । मानव बेचबिखन विरुद्धकी अभियन्ता, शक्ति समूह कि संस्थापक अध्यक्ष सुनिताको आज बिहान जोरपाटीस्थित निवासमा सुतेकै स्थानमा मृत फेला परेको उनका आफन्तले जानकारी दिए ।
उनका श्रीमानले बिहान उठेर सुनितालाई उठाउन जाँदा अचेत अवस्थामा फेला परेकी थिइन् । त्यसपछि अस्पताल पुर्याउँदा चिकित्सकले उनलाई मृत घोषणा गरेका थिए । उनकाे मृत्युको कारण हालसम्म स्पष्ट हुन सकेको छैन ।
अमेरिकाको फर्च्युन म्यागेजिनले विश्वका ५० विशेष नेतृत्वकर्ताको सूचीमा राखेको थियो । साथै उनलाई अमेरिकी विदेश मन्त्रालयले सन् २०१८ मा ‘टिप हिरो’ को रूपमा सम्मान गरेको थियो ।
प्रकाशित मिति: सोमबार, पुस ८, २०८१ १२:०५
प्रतिक्रिया दिनुहोस्
साताको लोकप्रीय
