ललितपुर, पुस ९ । ललितपुरकाे च्यासलमा एक विद्यार्थीको हत्या भएको छ । ललितपुरको च्यासलस्थित टाउन हब रेस्टुरेन्टमा सोमबार राति चक्कु प्रहारबाट इन्जिनियरिङ अध्ययनरत २३ वर्षीय नयन गुरुङको हत्या भएको हो । विवादले उग्र रूप लिँदा एक जनाको मृत्यु भएको छ ।

साथीहरूसँग रेस्टुरेन्ट पुगेका नयनमाथि रेस्टुरेन्टका कर्मचारी डडेलधुरा स्थायी घर भएका हेमराज भट्टले चक्कु प्रहार गरेका थिए । रेस्टुरेन्टको काउन्टरमा विवाद भएपछि भट्टले एकाएक आक्रमण गरेको प्रहरीको भनाई छ ।

मृतक नयन गुरुङ ललितपुरस्थित हिमालय कलेजमा बिई चौथो सेमेस्टरमा अध्ययनरत विद्यार्थी थिए । प्रहरीले दोषीलाई नियन्त्रणमा लिई थप अनुसन्धान जारी राखेको छ ।