काठमाडौं, पुस २९ । राष्ट्रिय स्वतन्त्र पार्टी (रास्वपा)का सभापति रवि लामिछानेको थुनछेक बहस काठमाडौँ जिल्ला अदालतमा जारी छ । न्यायाधीश माधवप्रसाद अधिकारीको इजलासमा आइतबार रविको बयान सुरू भएको थियो । आइतबार बयान भए पनि बहस हुन सकेको थिएन ।
लामिछानेविरुद्ध जिल्ला सरकारी वकिल कार्यालयका प्रमुख रामहरि शर्मा काफ्ले, जिल्ला न्यायाधिवक्ता खडिन्द्रराज कटुवालसहित ११ जनाले बहस गर्नेछन् । उजुरीकर्ताका तर्फबाट सरकारी वकिल खादिन्द्रराज कटवालले स्वर्णलक्ष्मी बहुउद्देश्यीय सहकारीको रकम हिनामिना भएको मुद्दामा प्रमाण पेश गरेका थिए ।
प्रहरी अनुसन्धानका अनुसार लामिछानेले सहकारीबाट ५ करोड ७८ लाख रुपैयाँ अवैध रुपमा निकालेको आरोप छ । उक्त रकम फिर्ता गर्न माग गर्दै सरकारले मुद्दा दायर गरेको छ उजुरीकर्ताको बहस सकिएपछि लामिछानेको कानूनी टोलीले आफ्नो पक्षमा बयान दिनेछ ।
लामिछानेलाई थुनामा राख्ने वा रिहा गर्ने भन्नेबारे अब थुनामा सुनुवाइले निर्णय गर्नेछ।
