काठमाडौं, साउन १७ । स्वास्थ तथा जनसंख्या मन्त्रालयका अनुसार नेपालमा पछिल्लो २४ घण्टामा थप दुई हजार पाँच सय ६८ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १२ हजार छ सय ३६ वटा नमुनाको परीक्षण गर्दा उक्त संख्यामा संक्रमण पुष्टि भएको हो । 

यसैगरी पछिल्लो २४ घण्टामा कोभिड १९ को संक्रमणबाट नेपालमा थप १८ जनाको मृत्यु भएको छ । मन्त्रालयका अनुसार यो समेत गरी नेपालमा कोभिड संक्रमणका कारण मृत्यु हुनेहरुको कुुल संख्या नौ हजार आठ सय ७५ पुुगेको छ । मन्त्रालयका अनुसार पछिल्लो २४ घण्टामा संक्रमण मुक्त हुनेहरुको संख्या भने दुई हजार २० जना रहेको छ ।