चितवनमा युवकमाथि निर्घात कुटपिट गर्ने प्रहरी निलम्बित
चितवन, माघ ७ । चितवनमा एक जना युवकमाथि निर्घात कुटपिट गर्ने प्रहरी निलम्बित भएका छन् । पुस १५ गते भरतपुर महानगरपालिका–११ तीनखोले गुम्बानजिकै बाइपास रोडमा रातको समय सवारी चेकजाँचका क्रममा युवक कुट्ने अस्थायी प्रहरी बिट गणेशधाममा कार्यरत असई बुद्धिबहादुर भुजेल निलम्बनमा परेका हुन् ।
उनले सवारी चालक अनुमतिपत्र र ब्लूबुक जाँच गर्ने क्रममा एक युवलाई निर्घात कुटपिट गरेका थिए । चेकजाँचका क्रममा युवकले कसैलाई फोन गर्न थालेपछि ‘पावर देखाएको’ भन्दै चेकिङमा खटिएका प्रहरीले उनलाई लात्तीले हानेर लडाएर कुटपिट गरेको भिडियो सामाजिक सञ्जालमा सार्वजनिक भएको थियो ।
प्रहरी आचरणविपरीत काम गरेकाले निलम्बन गरिएको जिल्ला प्रहरी कार्यालय चितवनले जनाएको छ ।
प्रकाशित मिति: सोमबार, माघ ७, २०८१ १४:५१
प्रतिक्रिया दिनुहोस्
साताको लोकप्रीय
