काठमाडौं, माघ १५ ।  आशिका तामाङ धरौटीमा रिहा भए लगतै फेरि पक्राउ परेकी छिन् । अभद्र व्यवहारको कसुरमा पक्राउ परेकी तामाङलाई काठमाडौं प्रहरीले १० हजार धरौटीमा रिहा गरे लगत्तै भक्तपुर प्रहरीले फेरी पक्राउ गरेको हो ।

पशुपति क्षेत्र विकास कोषको प्रतिवेदन र माघ ९ गते प्रहरी अनुसन्धानको आधारमा आशिकालाई सुरुमा गौशाला प्रहरी वृत्तले माघ २ गते पक्राउ गरेको थियो ।  उनी १२ दिन हिरासतमा थिइन् ।

भक्तपुरको जगातीस्थित प्रहरी वृत्तमा पनि उनीविरुद्ध मुद्दा भएका कारण उनलाई भक्तपुर प्रहरीले फेरी पक्राउ गरेको हो । आशिकाले भक्तपुरको साँगास्थित झोलुंगे पुलमा टिकट जलाएको, दररेटको पोस्टर च्यातेको, त्यहाँका कर्मचारीलाई दुर्व्यवहार गरेको भन्दै उनीविरुद्ध प्रहरीमा उजुरी परेको थियो ।