काठमाडौं आइपुगिन् बेलायती राजकुमारी सोफिया, राजकुमार एडवार्ड पनि आउँदै
काठमाडौं, माघ २२ । बेलायतकी राजकुमारी सोफिया मंगलबार नेपाल आइपुगेकी छन् । उनी बिहान त्रिभुवन विमानस्थलमा अवतरण भएकी हुन् ।
राजकुमार एडवार्ड पनि आजै नेपाल आउँदैछन् । केही समयपछि उनी काठमाडौँमा अवतरण हुने बताइएको छ ।
राजकुमारी सोफियालाई परराष्ट्र मन्त्रालयका अधिकारी र नेपालस्थित बेलायतको दूतावासका कर्मचारीहरूले स्वागत गरेका थिए । एयरपोर्टबाट राजकुमारी लैनचौरस्थित बेलायती दूतावास गएकी छन् । कार्यतालिका अनुसार राष्ट्रपति रामचन्द्र पौडेललाई भेट्न उनीहरु अपराह्न ४ः१५ बजे शीतल निवास जानेछन् ।
शाही दम्पतीको नेपाल भ्रमण युवा सशक्तीकरण, स्वास्थ्य सेवा, महिला अधिकार र संरक्षणमा केन्द्रित हुनेछ । नेपालमा उनीहरूकाे ६ दिन बस्ने कार्यतालिका रहेको छ ।
प्रकाशित मिति: मंगलबार, माघ २२, २०८१ १३:०६
प्रतिक्रिया दिनुहोस्
साताको लोकप्रीय
