काठमाडौं, फागुन ९ । काठमाडौंं महानगरपालिकाका मेयर बालेन साहले अमेरिकाका राष्ट्रपति डोनाल्ड ट्रम्पलाई सम्बोधन गर्दै अमेरिकाप्रति कडा टिप्पणी गरेका छन् ।

बिहिबार राति सामाजिक सञ्जाल फेसबुकमा बालेनले ट्रम्पलाई मेन्सन गर्दै अमेरिकालाई अल्छीहरूको देश भनेका छन् । उनले अमेरिकालाई बाहिरी श्रमिकहरूमा निर्भर रहेको भन्दै अमेरिकीहरूलाई ‘अल्छी’ को संज्ञा दिएका हुन्।

उनले डिभी लट्रीलाई ‘दासत्व’ भन्दै यो बन्द गर्नुपर्ने तथा नेपालका रत्नहरू फिर्ता गरिनुपर्ने माग समेत गरेका छन्  । साथै उनले आफ्नो देशबाट बाँकी विश्वलाई प्रतिबन्ध लगाउन र संसारलाई अघि बढ्न दिनुपर्ने सुझाव पनि दिएका छन् ।

उनले भनेका छन् - "हामीलाई हाम्रो देश तपाईंको भन्दा राम्रो छ भनेर महसुस गराउनु भएकोमा धन्यवाद । हामी गरिब छौं किनभने हाम्रा मानिसहरू हाम्रो देश छोडेर जाँदैछन् । तपाईं गरीब हुनुहुन्छ कि तपाईंका मानिसहरूले तपाईंको देश बनाउन सक्दैनन्। तपाईं अल्छी मानिसहरू यसको लागि बाँकी संसार चाहिन्छ । कृपया आफ्नो अभिलाषा (DV) दासत्व पनि बन्द गर्नुहोस्, हामीले हाम्रा रत्नहरू फिर्ता पाउनेछौं । आफ्नो देशबाट बाँकी विश्वलाई प्रतिबन्ध लगाउनुहोस्, र संसारलाई बढ्न दिनुहोस् । "