काठमाडौं, फागुन १९ । पूर्वयुवराज पारस शाहलाई अस्पताल भर्ना गरिएको छ । स्वास्थ्यमा समस्या आएपछि आइतबार बेलुकी थापाथलीस्थित नर्भिक अस्पतालमा शाहलाई भर्ना गरिएको हो । उनलाई मुटुसम्बन्धी समस्या देखिएको अस्पताल स्रोतले बताएको छ ।

 यसअघि तीन पटक हृदयघात भएको शाहलाई पछिल्लो पटक भदौमा पनि हृदयघात भएको थियो । अस्पताल स्रोतका अनुसार अहिले उनको स्वास्थ्य अवस्था सुधारोन्मुख छ।