मन्थली (रामेछाप),चैत २० । यही चैत १५ गते काठमाडौँको तीनकुनेमा भएको प्रदर्शनका क्रममा ज्यान गुमाएका पत्रकार सुरेश रजकको परिवारका लागि आर्थिक सङ्कलन सुरु भएको छ । नेपाल पत्रकार महासङ्घ रामेछाप शाखाले सहयोग सङ्कलन अभियान सुरु गरको अध्यक्ष दीपक घिमिरेले बताउनुभयो ।

मङ्गलबारदेखि सुरु भएको यो अभियान एक हप्तासम्म सञ्चालन हुने र त्यसपछि सङ्कलित रकम रजकको परिवारलाई दिइने उहाँले बताउनुभयो । त्यसअवसरमा स्व रजकको तस्बिरमा माल्यार्पण गर्नुका साथै विभिन्न सङ्घ सङ्गठनका प्रमुख एवं प्रतिनिधिहरुसँग अन्तरक्रियात्मक कार्यक्रम गरिएको थियो । (RSS)
–––