काठमाडौं, चैत १९ । मेयर बालेन साहले लगाएको ताल्चा फुटाएर प्रमुख प्रशासकीय अधिकृत सरोज गुरागाईं काठमाडौं महानगरपालिकाको जिम्मेवारीमा फर्किएका छन् ।

प्रशासकीय अधिकृत सरोज गुरागाईं साढे तीन महिनाको अनुपस्थितिपछि कार्यालयमा फर्किएका हुन् । उनलाई कर्मचारीहरुले कार्यकक्षको ताला फोडेर प्रवेश गराएका छन् ।

विगत साढे तीन महिनादेखि प्रमुख प्रशासकीय अधिकृतको अनुपस्थितिका कारण नगरका कर्मचारीहरू तलबबाट वञ्चित थिए । निलम्बित गुरागाईँलाई आज कार्यालय आउने जानकारी पाएपछि मेयर बालेन्द्र साहले नगरप्रहरी खटाएका पनि हजारौँ कर्मचारीको अगाडि नगरप्रहरीको केही लागेन । नगर प्रहरीले रोक्न खोजेपछि कर्मचारीले गुरागाईंको कार्यकक्ष प्रवेशद्वारमा तोडफोडको प्रयास समेत गरेका थिए ।

काठमाडौं महानगरमा यसअघि झन्डै पाँच महिना देखि रोकिएको तलब शुक्रबार देखि नै निकासा हुने उनले जानकारी दिएका छन् ।

यस्तै, गुरागाईंलाई हाजिर गराउने विषयमा विवाद भएपछि उपमेयर सुनिता डंगोलले उपमेयरको नेतृत्वमा बैठकमा कोठामा बसेर निर्देशन नदिन बरु मेयर बालेन शाहलाई चेतावनी दिएकी छिन् ।