काठमाडौं, वैशाख ९ । नेपाली बजारमा सुनको मूल्यले आज पनि नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार आज सुन एकैदिन तोलामा ६ हजार ९०० रुपैयाँ बढेको हो ।

नेपाल सुनचाँदी व्यवसायी महासंघका अनुसार अघिल्लो दिन प्रतितोला १ लाख ९१ हजार रुपैयाँ रहेको सुनको मूल्य मंगलबार प्रतितोला १ लाख ९७ हजार ९०० रुपैयाँ पुगेको छ।

यस्तै, आज चाँदीको मूल्य पनि बढेको छ । आज चाँदी प्रतितोला १० रुपैयाँले बढेर १ हजार ९७० रुपैयाँमा कारोबार भईरहेको महासंघले जनाएको छ ।