काठमाडौं, वैशाख १४ । नेपाली कांग्रेसका महामन्त्री गगनकुमार थापा विरुद्ध अदालतको अवहेलना मुद्दा दायर गरिएको छ । मुद्दाको पेशी मङ्गलवार तोकिएको छ।
प्रजातन्त्र दिवसको अवसरमा आयोजित एक कार्यक्रममा थापाले संवैधानिक निकायमा ५२ जना पदाधिकारी नियुक्तिसम्बन्धी मुद्दामा सर्वोच्च अदालतले मुद्दा झुलाइरहेको भन्दै थापाले केही दिन अघि भाषण गरेका थिए।
थापाले सर्वोच्च अदालतले अदालतको कारबाहीको विश्वसनीयतामाथि प्रश्न उठाउँदै र पदावधि सकिए पनि आयोगहरूमा पदाधिकारी नियुक्त गर्न नसकेकोमा चिन्ता व्यक्त गर्दै मुद्दालाई "ढिलाइ" गरेको बताए।
सर्वोच्च अदालतको संवैधानिक इजलासबाट सीधाकुरा डटकमको मुद्दामा समेत अदालतको विचाराधीन मुद्दामा प्रभावित गर्ने तथा अदालतको मान सम्मानलाई तल पार्ने उद्देश्यले गरिएको टिप्पणीलाई अवहेलनाजन्य मानी सजाय गरेको प्रसङ्ग समेत उल्लेख गरी महामन्त्री थापालाई उपस्थित गराई हदैसम्मको सजायको माग समेत निवेदनपत्रमा गरिएको छ।
