माइतीघर मण्डलामा सहकारी पीडितहरूको अर्धनग्न प्रदर्शन
काठमाडौं, वैशाख १५ । सहकारी तथा लघुवित्त पीडितहरूले सोमबार माइतीघर मण्डलामा अर्धनग्न प्रदर्शन गरेका छन् ।
सहकारी तथा वित्तीय समस्या समाधान संयुक्त राष्ट्रिय अभियान (महासंघ) नेपालको आयोजनामा सोमबार दिउँसो माइतीघर मण्डलामा उनीहरुले अर्धनग्न भएर प्रदर्शन गरेका हुन् । आन्दोलनमा ‘आन्दोलन रहर नभई बाध्यता हो’, ‘हाम्रो धैर्यलाई कमजोरी नठान’, 'सरकारको चालबाजी विश्वास नगर' जस्ता नारा लेखिएका प्लेकार्ड बोकेका छन् ।
सरकार र सम्बन्धित निकायको बेवास्ताप्रति गम्भीर असन्तोष प्रकट गर्दै उनीहरुले ‘हाम्रो माग पूरा नभए हामी नाङ्गो हुन तयार छौँ’ भन्दै नारा लगाएका छन् ।
प्रकाशित मिति: सोमबार, वैशाख १५, २०८२ १५:१४
प्रतिक्रिया दिनुहोस्
साताको लोकप्रीय
