काठमाडौं, साउन २८ । स्वास्थ तथा जनसंंख्या मन्त्रालयका अनुसार नेपालमा पछिल्लो २४ घण्टामा थप तीन हजार दुई सय ६० जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १५ हजार चार सय ६२ वटा नमुनाको परीक्षण गर्दा उक्त संख्यामा संक्रमण पुष्टि भएको हो ।
यो समेत गरी नेपालमा सक्रिय संक्रमितको कुल संख्या ३८ हजार एक सय ८० पुगेको मन्त्रालयले जानकारी दिएको छ । यसैगरी २४ घण्टामा ३२ जनाको मृत्यु पुष्टि भएको छ । मन्त्रालयका अनुसार पछिल्लो २४ घण्टामा दुई हजार दुुई सय ९४ जना संक्रमणमुक्त भएकाछन् ।
मन्त्रालयका अनुसार काठमाडौं उपत्यकामा भने पछिल्लो २४ घण्टामा थप एक हजार एक सय ३३ जनामा कोभिड १९ को संक्रमण पुष्टि भएको छ । सो मध्ये काठमाडौं जिल्लामा आठ सय ११, ललितपुर जिल्लामा एक सय १९ जना र भक्तपुर जिल्लामा एक सय ३० जनामा संक्रमण पुष्टि भएको हो । यो समेत गरी काडमाडौं उपत्यकामा सक्रिय संक्रमितहरुको कुुल संख्या ११ हजार तीन सय २६ पुगेको छ ।
