काठमाडौं, साउन ३० । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप दुई हजार छ सय २४ जनामा कोरोना भाईरस (कोभिड-१९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १३ हजार पाँच सय ७३ वटा स्वाब नमुनाको परीक्षण गर्दा उक्त संख्यामा संक्रमितहरु भेटिएका हुुन् । यो समेत गरी देशभर सक्रिय संक्रमितको संख्या ३९ हजार चार सय पाँच पुगेको छ ।

यसैगरी पछिल्लो अवधिमा कोभिड १९ को संक्रमबाट थप २० जनाको मृत्युु भएको छ । यो समेत गरी नेपालमा कोेभिड-१९ को संक्रमणबाट मृत्युु हुनेहरुको कुुल संख्या १० हजार दुुई सय ५९ पुुगेको छ । मन्त्रालयका अनुसार पछिल्लो २४ घण्टामा देशभर एक हजार तीन सय २० जना संक्रमण मुक्त भएकाछन् ।

यो समेत गरी नेपालमा कोरोना मुक्त हुनेको संख्या छ लाख ८० हजार आठ सय १५ पुगेको छ । काठमाडौं उपत्यकामा भने पछिल्लो २४ घण्टामा सात सय ९५ जनामा कोभिड-१९ को संक्रमण पुष्टि भएको छ ।