काठमाडौं, साउन ३१ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप दुई हजार दुई सय १२ जनामा कोरोना भाईरस (कोभिड-१९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १२ हजार एक सय छ वटा स्वाब नमुनाको परीक्षण गर्दा उक्त संख्यामा संक्रमितहरु भेटिएका हुन । यो समेत गरी नेपालमा कुल सक्रिय संक्रमितहरुको संख्या ३९ हजार दुई सय ९८ पुगेको छ ।
मन्त्रालयका अनुसार पछिल्लो २४ घण्टामा कोभिड-१९ को संक्रमणबाट थप ३३ जनाको मृत्यु भएको छ । यस अवधिमा देशभरबाट एक हजार आठ सय ६७ जना संक्रमणमुक्त मन्त्रालयले जानकारी दिएको छ । पछिल्लो २४ घण्टामा काठमाडौं उपत्यकामा भने सात सय ३० जनामा कोभिड-१९ को संक्रमण पुष्टि भएको छ । सो मध्ये काठमाडौं जिल्लामा पाँच सय २२, ललितपुर जिल्लामा एक सय ५४ जना र भक्तपुर जिल्लामा ६३ जनामा संक्रमण पुष्टि भएको छ ।
