इङलिस प्रिमियर लिगमा लिड्स युनाइटेड संग दुइ एक गोलले पराजित भएपछि फुलह्याम माथि रेलिगेसनको खतरा बढेको छ । 

लिड्सले घरेलु टोली फुलह्यमा विरुद्ध २९ औं मिनेटमा अग्रता लिएको थियो । उसका लागि पेट्रिक बेमफर्डले गोल गरेका थिए । ३८ औं मिनेटमा फुलह्यामले योचिम एन्डरसनको गोल मार्फत खेल एक एकको बराबरीमा पुर्याएको थियो । पहिलो हाफमा लिड्सको दुइ गोलले मान्यता पाएन् । ५८ औं मिनेटमा बेमफोर्डले उपलब्ध गराएको वलमा राफिन्हाले गोल गरेपछि लिड्सले तीन अंक बटुल्यो । फुलह्यामले भने रेलिगेसन जोन भन्दा माथि उक्लने मौका गुमायो  । प्रिमियर लिगमा उसको यो लगातार तेस्रो हार हो । १८ औं स्थानमा रहेको उसको ३० खेलबाट २६ अंक छ ।  लिड्स २९ खेलबाट ३९ अंकका साथ एघारौ स्थानमा छ ।