काठमाडौं, भदौ ४ । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप तीन हजार ४२ जनामा कोरोना भाईरस (कोभिड-१९) संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १७ हजार छ सय ५४ वटा नमुनाको परीक्षण गर्दा उक्त संख्यामा संक्रमितहरु भेटिएकाहुन् । यो समेत गरेर नेपालमा कुल सक्रिय संक्रमितहरुको संख्या ४० हजार तीन सय नौ पुगेको छ ।
यसैगरी पछिल्लो २४ घण्टामा नेपालमा कोभिड-१९ को संक्रमणबाट थप २६ जनाको मृत्यु भएको छ । मन्त्रालयका अनुसार यस अवधिमा दुई हजार दुई सय ४४ कोभिड-१९ को संक्रमणबाट मुक्त भएका छन् ।
काठमाडौं उपत्यकामा भने पछिल्लो २५ घण्टामा आठ सय ९८ जनामा कोभिड-१९ को संक्रमण पुष्टि भएको छ । सो मध्ये काठमाडौं जिल्लामा छ सय चार, ललितपुर जिल्लामा एक सय ८७ र भक्तपुर जिल्लामा एक सय सात जना संक्रमित भेटिएका हुन् । यो समेत गरी काठमाडौं उपत्यकामा सक्रिय संक्रमितहरुको कुल संख्या ११ हजार छ सय ३१ पुगेको छ ।
