काठमाडौं, भदौ १० । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप दुुई हजार चार सय ३३ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १४ हजार तीन सय ७४ वटा स्वाब नमुनाको परीक्षण गर्दा उक्त संख्यामा संक्रमण पुष्टि भएको हो ।
पछिल्लो पटक थप भएको समेत गरी हाल देशभर सक्रिय संक्रमितको कुल संख्या ३८ हजार तीन सय ८४ पुुगेको मन्त्रालयले जानकारी दिएको छ ।
यसअवधिमा थप २६ जनाको कोभिड १९ को संक्रमणबाट मृत्युु भएको छ । मन्त्रालयका अनुसार यो समेत गरी नेपालमा कोभिड १९ को संक्रमणबाट मृत्युु हुनेहरुको कुुल संख्या १० हजार छ सय ३८ पुगेको छ ।
यसैगरी पछिल्लो २४ घण्टामा देशभर एक हजार नौ सय २९ जना कोभिड १९ को संक्रमणबाट मुक्त भएकाछन् । सो समेत गरी नेपालका कोभिड १९ को संक्रमणबाट मुक्त हुुनेहरुको कुल संख्या सात लाख पाँच हजार आठ सय ९३ पुगेको छ ।
मन्त्रालयका अनुसार काठमाडौ उपत्यकामा भने पछिल्लो २४ घण्टामा सात सय ३३ जनामा कोभिड १९ को संक्रमण पुष्टि भएको छ । सो मध्ये काठमाडौं जिल्लामा पाँच सय ६१ ललिपुर जिल्लामा एक सय छ र भक्तपुर जिल्लामा ६६ जनामा संक्रमण पुष्टि भएको मन्त्रालयले जानकारी दिएको छ ।
