काठमाडौं, भदौ ११ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर दुई हजार ६५ जनामा कोरोना भाईरस (कोभिड १९) को संक्रमण पुष्टि भएको छ ।
मन्त्रालयका अनुसार देशभरका प्रयोगशालाहरुबाट १३ हजार एक सय १७ वटा नमुनाको परीक्षण गर्दा उक्त संख्यामा संक्रमण पुष्टि भएको हो । पछिल्लो पटक थप भएको समेत गरी नेपालमा सक्रिय संक्रमितको कुल संख्या ३७ हजार पाँच सय ९९ पुगेको छ ।
मन्त्रालयका अनुसार पछिल्लो २४ घण्टामा कोभिड १९ को संक्रमणबाट देशभर २५ जनाको मृत्युु भएको छ । यस अवधिमा दुई हजार तीन सय ३७ जना कोभिड १९ को संक्रमणबाट मुक्त भएकाछन् ।
काठमाडौ उपत्यकामा भने पछिल्लो २४ घण्टामा सात सय १५ जनामा कोभिड १९ को संक्रमण पुष्टि भएको छ । सो मध्ये काठमाडांै जिल्लामा चार सय ४५ जनामा, ललितपुर जिल्लामा एक सय ६९ जनामा र भक्तपुर जिल्लामा ९२ जनामा संक्रमण पुष्टि भएको मन्त्रालयले जानकारी दिएको छ ।
