काठमाडौं, भदौ १५ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप एक हजार छ सय ६४ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १२ हजार दुई सय २२ वटा नमुुनाको परिक्षण गर्दा उक्त संंख्यामा संक्रमण पुष्टि भएको हो । यो समेत गरी नेपालमा सक्रिय संक्रमितको संख्या ३५ हजार पाँच सय ९१ पुगेको छ ।

यसैगरी पछिल्लो २४ घण्टामा देशभर २० जना कोभिड १९ संक्रमितहरुको मृत्यु भएको छ । यस अवधिमा संक्रमणमुक्त हुुनेहरुको संख्या भने एक हजार सात सय ८६ रहेको छ ।

यसैबिच काठमाडौं उपत्यकामा भने पछिल्लो २४ घण्टामा पाँच सय ६४ संक्रमित थपिएकाछन् । सो मध्ये काठमाडौं जिल्लामा चार सय १३, ललितपुर जिल्लामा ८७ र भक्तपुर जिल्लामा ६४ जना संक्रमितहरु थपिएको मन्त्रालयले जानकारी दिएको छ ।