काठमाडौं, भदौ २५ । स्वास्थ्य तथा जनसंख्या मन्त्रालयका अनुसार नेपालमा पछिल्लो पटक थप एक हजार एक सय ४६ जनामा कोरोनाा भाईरस (कोभिड १९) संक्रमण पुुष्टि भएको छ । पछिल्लो २४ घण्टामा देशभरका प्रयोगशालाहरुबाट कुल १० हजार नौ सय १६ वटा नमूनाको परीक्षण गर्दा उक्त संख्यामा संक्रमण पुष्टि भएको हो । यो समेत गरी नेपालमा पछिल्लो समय सक्रिय संक्रमितको संख्या २७ हजार नौ सय ५८ मा पुगेको छ ।
मन्त्रालयका अनुसार पछिल्लो २४ घण्टामा कोभिड १९ को संक्रमणका कारण थप २१ जनाले ज्यान गुमाएकाछन् । हालसम्म नेपालमा कोभिड १९ का कारण ज्यान गुमाउनेहरुको कुल संख्या १० हजार नौ सय २४ पुगेको छ । यसैगरी पछिल्लो २४ घण्टामा संक्रमणमुक्त हुनेहरुको संख्या भने एक हजार एक सय ६० जना रहेको मन्त्रालयले जानकारी दिएको छ ।
काठमाडौँ उपत्यकामा भने पछिल्लो २४ घण्टामा तीन सय ५४ जना संक्रमितहरु थपिएकाछन । सो मध्ये काठमाडौं जिल्लामा दुई सय ५७ जना, ललितपुर जिल्लाामा ५६ जना र भक्तपुर जिल्लामा ४१ जनामा संक्रमण पुष्टि भएको मन्त्रालयले जनाएको छ ।
