काठमाडौं, भदौ २६ । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप नौ सय ९४ जनामा कोरोना भाईरस (कोभिड १९) को संक्रमण पुष्टि भएको छ । पछिल्लो २४ घण्टामा देशभरका प्रयोगशालाहरुबाट कुल नौ हजार आठ सय ४० वटा स्वाब नमुनाको परीक्षण गर्दा उक्त संख्यामा संक्रमण पुष्टि भएको मन्त्रालयले जानकारी दिएको छ । यो समेत गरी नेपालमा सक्रिय संक्रमितको कुल संख्या २७ हजार तीन सय ५५ पुगेको छ ।
यस अवधिमा कोभिड १९ को संक्रमणबाट थप १२ जनाको मृत्युु भएको छ । मन्त्रालयका अनुसार पछिल्लो २४ घण्टामा कोभिड १९ को संक्रमणबाट मुक्त हुुनेहरुको संख्या भने एक हजार तीन सय ६८ रहेको छ । यो समेत गरी नेपालमा कोरोनामुक्त हुनेको कुल संख्या सात लाख ३८ हजार ३४ पुगेको छ ।
काठमाडौं उपत्यकामा भने पछिल्लो २४ घण्टामा थप तीन सय ५७ जना संक्रमितहरु थपिएकाछन । सो मध्ये काठमाडौ जिल्लामा मात्र दुई सय ८९ जना, ललितपुर जिल्लामा ८५ जना र भक्तपुर जिल्लामा ४२ जना संक्रमितहरु थपिएको मन्त्रालयले जनाएको छ ।
(रासस)
