काठमाडौं, भदौ २७ । जर्मन बुण्डेसलिगा अन्र्तगत शनिबार भएको खेलमा बोरुसिया डटमण्डले बायर  लेभरकुजनलाई पराजित गरेको छ। शनिबार बायर  लेभरकुजनको मैदानमा भएको खेलमा बोरुसियाले ४–३ ले पराजित गरेको हो ।

बोरुसिया डर्टमण्डका लागि एर्लिन ब्राट हालान्डले दुई गोल गरेपछि  जित हात पारेको हो । डर्टमण्डका लागि युलियन ब्रान्ट र राफेल गुरेइरोले एक÷एक गोल गर्नुभयो ।हालान्डले ७७औं मिनेटमा गोल गर्दै डर्टमण्डलाई जित दिलाउनु भएको हो । त्यसअघि लेभरकुजनका फ्लोरिन विट्जले खेलको नवौं मिनेटमै गोल गर्दै अग्रता दिलाउनु भएको थियो । ३७औं मिनेटमा हालान्डले डर्टमण्डका लागि बराबरी गोल फर्काउनु भयो।

यस्तै पहिलो हाफको इन्जुरी टाइममा प्याट्रिक सिकले गोल गर्दै लेभरकुजनलाई २–१ को अग्रता दिलाउनु भयो ।  ४९औं मिनेटमा भने ब्रान्टले डर्टमण्डका लागि बराबरी गोल गर्नु भयो। ५५औं मिनेटमा माउसा डिएबीले गोल गर्दै तेस्रो पटक लेभरकुजनलाई अग्रता दिलाउनु भएको थियो ।  तर ७१औं मिनेटमा गुरेइरोले गोल गरेपछि डर्टमण्डले तेस्रो पटक पुनरागमन गर्दै खेल बराबरीमा पुर्‍याउनु भयो। त्यसपछि हालान्डले ७७औं मिनेटमा गोल गर्दै डटमण्डलाई जित दिलाउनु भयो ।
जितपछि ४ खेलबाट ९ अंकसहित डर्टमण्ड दोस्रो स्थानमा छ ।

 वल्फसवर्गले यस पटक शतप्रतिशत जित यात्रालाई निरन्ता दिँदै ग्रेथर फोर्थलाई २–० ले पराजित गरेको छ । लगातार चौथो जितपछि वल्फ्सवर्ग १२ अंकसहित शीर्ष स्थानमा रहेको छ ।