काठमाडौं, भदौ २९। स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप एक हजार पाँच सय ६२ जनामा कोरोना भाईरस (कोभिड १९) को संक्रमण पुष्टि भएको छ । देशभरका प्रयोगशालाहरुबाट कुल १४ हजार चार सय ४३ वटा नमुनाको परीक्षण गर्दा उक्त संख्यामा संक्रमण पुष्टि भएको मन्त्रालयले जानकारी दिएको छ । मन्त्रालयका अनुसार यो समेत गरी नेपालमा सक्रिय संक्रमितहरुको कुल संख्या २६ हजार दुई सय दुई पुगेको छ ।
यसैगरी पछिल्लो २४ घण्टामा कोभिड १९ का कारण १९ जनाले ज्यान गुमाएकाछन् । यो समेत गरी नेपालमा कोभिड संक्रमणका कारण ज्यान गुमाउनेहरुको कुल संख्या १० हजार नौ सय ८४ पुगेको छ । मन्त्रालयका अनुसार पछिल्लो अवधिमा कोभिड १९ बाट संक्रमणमुक्त हुनेहरुको संख्या भने एक हजार पाँच सय ८९ रहेको छ ।
यसैगरी पछिल्लो २४ घण्टामा काठमाडौं उपत्यकामा भने चार सय चार जना संक्रमित थपिएकाछन् । सो मध्ये काठमाडौं जिल्लामा दुई सय ९४, ललितपुर जिल्लामा ६२ र भक्तपुर जिल्लामा ४८ जना संक्रमित थपिएकाछन् । यो समेत गरी काठमाडौं उपत्यकामा सक्रिय संक्रमितको संख्या छ हजार दुई सय ५३ पुगेको छ ।
