काठमाडौँ, भदौ ३० । कक्षा १२ को परीक्षा  बुधबार देखि सुरु हुँदैछ । राष्ट्रिय परीक्षा बोर्डले कक्षा १२ को बुधबारदेखि सुरु हुने परीक्षाको सम्पूर्ण तयारी सकिएको  सूचना मार्फत जानकारी दिएको छ । परीक्षा असोज ८ गतेसम्म सञ्चालन हुने छ। परीक्षा समय बिहान ११ बजेदेखि दिउँसो २ बजेसम्म तोकिएको छ ।

 बोर्डकाअनुसार विद्यार्थीले पढेकै विद्यालयबाट परीक्षा दिन पाउनु हुनेछ। कोभिड सङ्क्रमण पुष्टि भएका विद्यार्थीहरूलाई पछि छुट्टै व्यवस्था गरिने बोर्डले जनाएको छ । यसपालि कक्षा १२ को परीक्षामा तीन लाख ७४ हजार विद्यार्थी सहभागी हुनु हुन्छ।

कोभिड महामारीका कारण यसअगाडि पटकपटक परीक्षा स्थगित भएको थियो। अधिकांश विद्यार्थीहरूले कोभिविरूद्ध खोप लगाएपछि परीक्षा सुरु हुन लागेको छ। यसअघि गएको जेठमा तय भएको परीक्षा साउन ३१ गतेदेखि सुरु गर्ने तयारी थियो । तर कोभिडका कारण साउनमा पनि स्थगित गरिएको थियो ।