काठमाडौं, भदौ ३१ । चीनमा बिहीबार बिहानै ठूलो भूकम्प गएको छ। चिनियाँ समाचार समिति सिन्ह्वाका अनुसार स्थानीय समयानुसार बिहीबार बिहान ४:३३ बजे दक्षिण(पश्चिम चीनको सिचुआन प्रान्तको लुचौ नगरस्थित लुसिआन काउन्टीमा ६ रेक्टर स्केलको भूकम्प गएको हो। ​
 

भूकम्पमा हालसम्म दुई जनाको मृत्यु र तीन जना घाइते भएका छन्। क्षतिको विस्तृत विवरण आउन बाँकी  छ।भूकम्प पृथ्वीको सतहबाट १० किलोमिटर गहिराइमा गएको बताइएको छ। 

भूकम्पपछि उद्धार कार्य भइरहको बताइएको छ।