काठमाडौं, भदौ ३१ । स्वास्थ्य तथा जनसंख्या मन्त्रालयका अनुसार देशभर पछिल्लो २४ घण्टामा एक हजार पाँच सय ११ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट कुुल १५ हजार एक सय ७९ नमूना परीक्षण गर्दा उक्त संख्यामा संक्रमण पुष्टि भएको हो । पछिल्लो पटक थप भएको समेत गरी देशभर २५ हजार सात सय ७२ जना संक्रमित रहेको मन्त्रालयले जानकारी दिएको छ ।
यस अवधिमा एक हजार छ सय ८९ जना भने संक्रमणबाट मुक्त भएकाछन् । मन्त्रालयका अनुसार पछिल्लो २४ घण्टामा कोभिड १९ को संक्रमणबाट थप ११ जनाको मृत्युु भएको छ । यो समेत गरेर नेपालमा कोरोना भाईरसको संक्रमणबाट ज्यान गुमाउनेहरुको कुुल संख्या ११ हजार दुई जना पुुगेको छ ।
मन्त्रलयका अनुसार पछिल्लो २४ घण्टामा काठमाडौं उपत्यकामा भने थप चार सय ३० जनामा संक्रमण पुष्टि भएको छ । सो मध्ये काठमाडौं जिल्लामा दुुई सय ९३ जना, ललितपुर जिल्लामा ९८ र भक्तपुर जिल्लामा ३९ जना संक्रमितहरु थपिएका हुुन । यो समेत गरी काठमाडौं उपत्यकामा कुल सक्रिय संक्रमितहरुको संख्या छ हजार चार सय ७० पुुगेको छ ।
