बेलयात्, वैशाख १४ । इंग्लीस प्रिमियर लिग क्लब लेष्टर सिटी युएफा च्याम्पियन्स लिगको छनौट नजिक पुगेको छ । इंग्लीस प्रिमियर लिग अन्तगर्त गएराती भएको खेलमा क्रिस्टल प्यालेसलाई दुइ एक गोलले हराउँदै लेष्टरले युरोपेली प्रतियोगितामा छनौट हुने सम्भावना बलियो बनाएको हो । किंग पावर स्टेडियममा भएको खेलमा घरेलु टोली लेष्टरले एक सुन्य गोलले पछि परेको अवस्थाबाट कम्ब्याक गरेको हो । १२ ओँ मिनेट विल्फ्रिद जाहाले गोल गरि पाहुना टोली क्रिस्टल प्यालेसलाई अघि बढाए । पहिलो हाफमा लेष्टरले कुनै गोल फर्काउन सकेन । दोस्रो हाफ सुरु भएको मात्र पाँच मिनेटमा तिमोथी काष्टाग्नेले बराबरी गोल फर्काए । ८० औँ मिनेटमा केलेची एहेनाचोले गोल गरेपछि लेष्टरको दुइ एक गोलको जित सुनिश्चित भएको हो । एहेनाचोको ९ खेलमा १२ ओँ गोल हो । १९६९ पछि पहिलो पटक एफ ए कपको फाइनलमा प्रवेश गरेको लेष्टरले एक पटक मात्र युरोपेली प्रतियोगिता खेलेको छ । २०१६-१७ को सिजमा च्याम्पियन्स लिग खेल्दा लेष्टरले क्वाटरफाइनलम्मको यात्रा तय गरेको थियो । सोभन्दा अघिल्लो सिजनको प्रिमियर लिग बिजेताको हैसियतले लेष्टरले च्याम्पियन्स लिग खेलेको हो ।