काठमाडौं, असोज ५ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप एक हजरा तीन सय ३०९ जनामा कोरोना भाईरस (कोभिड १९) को संक्रमण पुष्टि भएको छ । मन्त्रालयका अनुसार देशभरका प्रयोगशालाहरुबाट १३ हजार छ सय २२ वटा नमुनाको परिक्षण गर्दा उक्त संख्यामा संक्रमण पुष्टि भएको हो । यो समेत गरी नेपालमा सक्रिय संक्रमितहरुको संख्या २१ हजार पाँच २४ रहेको मन्त्रालयले जानकारी दिएको छ ।
यसैगरी पछिल्लो २४ घण्टामा नेपालमा कोभिड १९ को संक्रमणबाट पाँच जनाले ज्यान गुमाएकाछन । यो समेत गरी नेपालमा कोभिड संक्रमणबाट ज्यान गुमाउनेहरुको संख्या ११ हजार ५३ पुगेको छ । मन्त्रालयका अनुसार पछिल्लो २४ घण्टामा एक हजार आठ सय ३० जना संक्रमणमुक्त भएका छन् ।
मन्त्रालयका अनुसार काठमाडौ उपत्यकामा भने पछिल्लो २४ घण्टामा चार सय दुई जना संक्रमितहरु थपिएकाछन् । सो मध्ये काठमाडौ जिल्लामा दुुई सय ६१, ललितपुर जिल्लामा ९८ र भक्तपुर जिल्लामा ४३ जना रहेकाछन् । पछिल्लो पटक थप भएको समेत गरी हाल उपत्यकामा सक्रिय संक्रमितको संख्या पाँच हजार तीन सय ९३ रहेको छ ।
