लन्डन, असोज ७ । म्यानचेस्टर युनाइटेडले घरेलु मैदानमा वेष्टह्याम युनाइटेडसँग १–० को हार व्यहोरेको छ। बुधबार राति भएको खेलमा वेष्टह्यामका लागि ९ औं मिनेटमा  म्यानुएल लान्जिनीले गोल गर्नुभयो । सो गोल नै निर्णयाक बन्न पुग्यो । जितसँगै वेष्टह्याम लिगकपको चौथो चरणमा प्रवेश गरेको छ ।
लान्जिनीले  सन् २०१९ मे यता गर्नु भएको यो पहिलो गोल हो । यस्तै, सन् २००७ यता वेस्ट ह्यामले म्यानचेस्टरलाई ओल्ड ट्रायफोर्डमा हराएको पनि यो पहिलो पल्ट हो ।

म्यानचेस्टर युनाइटेडका लागि दोस्रो हाफमा मैदान छिर्नु भएको ब्रुनो फेर्नान्डेस र म्यासन ग्रीनवूडले पनि बरबरी गर्न सक्नु भएन ।

बुधबार राति नै भएको खेलमा जित निकाल्दै टोटनह्याम, लेस्टर सिटी, चेल्सी, ब्राइटन र आर्सनलले अन्तिम १६ मा स्थान पक्का गरेका छन् । एजेन्सी