म्याड्रिड, असोज १० ।  स्पेनी लिगाको शीर्ष स्थानमा रहेको रियल म्याड्रिड शनिबार भिल्लारियलसँग गोलरहित बराबरीमा रोकिएको छ । यो सँगै शीर्ष स्थानको रियल मड्रिडले भने अपराजित यात्रा कायम राख्नबाट चुकेको छ । 

कार्लो एन्सेलोटीको रियलले यसअघिका ६ खेलमा २१ गोल गरे पनि  भिल्लारियलविरुद्ध गोलको अवसर बनाउन चुकेको हो ।

शीर्ष स्थानमा रहेको रियल मड्रिडको सात खेलबाट १७ अंक भएको छ ।

यस्तै अवे मैदानमा भएको खेलमा एथ्लेटिको मड्रिड एलाभेससँग १–० ले पराजित भएको छ । चौथो मिनेटमा भिक्टर लागुर्डियाले हेड मार्फत गर्नु भएको गोल नै एलाभेसको जितका लागि निर्णायक बन्यो ।

अरु खेलमा सेभिल्लाले स्पानियोललाई २–० ले पराजित गर्दा एथ्लेटिको बिल्बाओ र भ्यालेन्सियाले १–१ को बराबरी खेलेका छन् ।एजेन्सी