काठमाडौं, असोज १४ । स्पेनिस क्लब बार्सिलोनाले च्याम्पियन्स लिग फुटबलमा लगातार खराब प्रदर्शन जारी राखेको छ । बुधबार राति भएको खेलमा समूह ईमा रहेको बार्सिलोना बेन्फिकासँग ३–० ले पराजित भएको हो । यो सँगै बार्सिलोनाको लागि च्याम्पियन्स लिगमा दोस्रो हार हो ।

 बेन्फिकाको जितमा नुनेजले  तेस्रो र ७९ औँ मिनेट दुई गोल गर्नु भयो। यस्तै फेरिएरा सिल्भाले ६९ औँ मिनेटमा गोल गर्नुभयो । बार्सिलोनाको प्रयास भने विफल हुन पुग्दा गोल गर्न सकेन ।

बार्सिलोनाका गार्सिया ८७ औँ मिनेटमा दोहोरो पहेँलो कार्ड पाएर मैदानबाट बाहिरिए । सोही समूहको अर्को खेलमा बार्यन म्युनिखले डिनामो किएभलाई ५–० ले पराजित गरेको छ ।

बुधबार राति भएका अरु खेलमा आरबी साल्जबर्गले लिलेलाई २–१ ले पराजित गर्दा वुल्फबर्ग र सेभिल्लाले १–१ को बराबरी खेलेका छन् ।