काठमाडौं, असोज १४ । इटालियन क्लब युभेन्टसले च्याम्पियन्स लिग फुटबलमा लगातार दोस्रो जित दर्ता गरेको छ ।

समूह एच मा रहेको युभेन्टसले बुधबार राति भएको खेलमा चेल्सीलाई १–० ले पराजित गरेको हो ।

 ४६ औँ मिनेटमा युभेन्टसका लागि फेदेरिको किएसाले गरेको गोल नै निर्णायक बन्यो । घरेलु लिगमा संघर्ष गरिरहेको युभेन्टसले च्याम्पियन्स लिगमा भने राम्रो प्रदर्शन गरिरहेको हो ।

लगतार दुईबाट ६ अंकसहित युभेन्टस समूहको शीर्ष स्थानमा छ । सोही समूहको अर्को खेलमा माल्मो एफएफ जेनिट सेन्ट पिटर्सबर्गसँग ४–० ले पराजित भएको छ ।